前商台DJ細So（蘇耀宗）被爆背妻偷食KOL阿B，好老公好爸爸形象幻滅，更被全城圍插。細So和老婆阿Wing（陳頴楠）昨晚分別在社交網站回應事件，細So表示知錯，對不起太太、家人以及關心他的人，而太太阿Wing同一時間在社交網留言：「一輩子的婚姻旅程中，總有高山低谷要一起走過。我選擇相信，並肩繼續這段旅程。這是我倆生命中重要的一課，多謝大家給予空間和體諒，讓我倆一起經歷、一起成長。感謝大家的關心，我們會好起來的。」表示已原諒細So。
不過事件繼續發酵，全城偵緝「阿B」的真正身份，而男主角細So今日下午現身住所外，回應在場記者的問題，他說：「我承認我做錯咗，無論係我個人做錯咗，我嘅感情事，都做錯咗，我對唔住我太太、家人、關心我信任我嘅朋友、客戶、仲有第三方（阿B），我好誠懇咁講一句，對唔住。」
他續說：「喺兩個月前我講咗件事畀太太知，佢選擇原諒我，我好對佢唔住。我承諾佢之後可以做啲咩，佢畀機會我做個負責嘅爸爸同老公，我會盡力做個好爸爸同老公。」「我承認我係一個犯錯咗嘅人，對唔住咁多位，要大家關心。」
問到事件曝光後，太太阿Wing的情況，他說：「壓力係有嘅，我哋要做嘅回應，大部分都做咗，如果再重提，對每一方都唔好，對各方面嘅傷害都會加深。佢的確係好好嘅太太同媽媽，佢比我堅強。」
至於全城網友都在偵緝誰是阿B，他嘆了一口氣說：「我知有好多人被牽涉其中，我好對唔住，我冇方法幫大家一一澄清。」
問到與阿B還有沒有聯絡？他表示6月之後就冇再聯絡，至於會否承諾做番個好男人，他說：「我希望可以做番一個盡責嘅爸爸同丈夫，我唔夠膽講我可以成為一個好男人，每一個人犯錯後都希望得到一個改過嘅機會，我太太畀咗一個咁好嘅機會我，我要好好珍惜。」
圖：IG
